| 1. Guhkkin davvin Dávggáid vuolde sabmá suolggaid Sámieatnan. Duottar leabbá duoddar duohkin, jávri seabbá jávrri lahka. Čohkat čilggiin, čorut čearuin allanaddet almmi vuostái. Šávvet jogat, šuvvet vuovddit, cáhket ceakko stállenjárggat máraideaddji mearaide. 2. Dálvit dáppe buolašbiekkat, muohtaborggat meariheamit. Sámi sohka sieluin mielain eahccá datte eatnamiiddis: Mátkálažžii mánoheabit, giđđodeaddji guovssahasat, — ruoškkas, ruovggas rođuin gullo, juhca jávrriin, jalgadasain, geresskálla máđiid miel. 3. Ja go geassebeaivváš gollut mehciid, mearaid, mearragáttiid, golli siste guollebivdit suilot mearain, suilot jávrriin gollin čuvget čáhcelottit, silban šovvot sámedeanut, šelgot čuoimmit, šleđgot áirrut, luitet albmát lávllodemiin geavgŋáid, guoikkaid, goatniliid. 4. Sámeeatnan sohkagoddi, dat lea gierdan doddjokeahttá goddi čuđiid, garrogávppiid, viehkis vearrevearrováldiid. Dearvva dutnje, sitkes sohka! Dearvva dutnje, ráfi ruohtas! Eai leat doarut dorrojuvvon, eai leat vieljain varat vardán Sámi siivosoga sis. 5. Máttarádját mis leat dovle vuoitán vearredahkkiid badjel. Vuostálastot, vieljat, miige sitkatvuođain soardiideamet! Beaivvi bártniid nana nálli! Eai du vuoitte vašálaččat, jos fal gáhttet gollegielat, muittát máttarmáttuid sáni: Sámieatnan sámiide! | 1. Под Медведицей Большой вдали синеет край Саамов, гора уходит за горой, вода мелькает за водою, грады вершин и гребни сопок стремятся к небу высоко, шумят леса, текут там реки, стальные мысы достигают пространств волнующих морей. 2. Наши предки победили всех злодеев в старину и мы должны бороться, братья, упрямо с угнетателем! Народ ты крепкий, рожденный солнцем! Враги тебя не победят, язык свой только золотой храни, и предков древних слог запомни: саамам Саамскую Страну! |
